سەنتەری بەهار لە زانکۆی کۆیە سەرجەم خوازیاران لە بەڕێوەچوونی تاقیکردنەوەی دیاریکردنی ئاست (Placement Test) ئاگادار دەکاتەوە.

ئاگاداری سەرجەم خوازیارانی خولەکانی زمان دەکەین کە ئەمڕۆ یەکشەممە ٢٠٢٣/٧/۳٠ خۆتۆمارکردن بۆ تاقیکردنەوەی دیاریکردنی ئاست دەستپێدەکات بەم شێوازەی لای خوارەوە:

1. خۆتۆمارکردن بەشێوەی ئۆنلاین دەبێت لەڕێگەی ئەم وێبسایتەوە: https://lc.digital.gov.krd/#/login
2. پێویستە تەنها یەکجار و بە ئیمەیلێک کە لەکاردا بێت ناوتۆمار بکەیت و زانیاریەکان بە ڕاست و دروستی دابنێی، بەپێچەوانەوە مافی بەشداریکردنت لە تاقیکردنەوەکەدا نابێت.
3. ژمارەی کورسیەکان بەپێی توانای هەر سەنتەرێک دیاریکراوە و لەو ژمارە زیاتر وەرناگیرێت و لە کاتی پڕبوونەوەی کورسیەکان لەڕێگەی سیستمی ناوەندیەوە ئەو سەنتەرە توانای وەرگرتنی نامێنێت.
4. ئەو بەشداربووانەی کە لە ٢٠٢٢/١١/١٢  تاقیکردنەوەی دیاریکردنی ئاستیان کردووە مافی بەشداریکرنیان نییە.
5. پێویستە خوازیار سەرجەم داتاکانی بەڕاست و دروستی پڕ بکاتەوە و لە لایەن سەنتەری زمانەوە داتاکانی پەسەند بکرێت، ئیمەیلی پەسەندکردنی داتاکان پرنت بکات پاشان دەتوانێت پسوڵە ببڕێت.
6. لە پاش بڕینی پسوڵە، وێنەیەکی هاوپێچی داواکاری لە هەژمارەکەی دەکات، پاش ووردبینی و پەسەندکرن، خوازیار دەتوانێت بەشداری تاقیکردنەوەکان بێت.

تێبینی/
 تکایە ڕەچاوی ئەم خاڵانەی خوارەوە بکەن:

• ئەو بەڕێزانەی کە هەژماریان درووست کردووە بەڵام زانیارییەکانیان تۆمار نەکردووە هەژمارەکانیان دەسڕێتەوە و مافی بەشداریکردنیان لە تاقیکردنەوەکە نابێت.
• ناوی بەشداربوو بە کوردی و بە ئینگلیزی دەبێت بە هەمان ڕێنووسی ناو پاسپۆرت بێت و بەرواری لە دایک بوون و وردەکارییەکانی بڕوانامەش بە هەمان شێوە.
• ئەو فایلانەی کە هاوپێچ دەکەن لای خۆتان سەیری بکەن پێش ئەوەی بینێرن چونکە هەندێکیان ڕوون نیە و پیشان نادرێت وەک  پاسپۆرت و کۆتا بڕوانامە و پشتگیری شوێنی کار کە بۆ میلاکی خوێندنی باڵایە وە پێویستە بڕونامەی بکالۆریۆس  یان ماستەر بە شێوەی PDF بێت و هەردوو دیودابنرێت.
• ئەگەر ماستەر یان دکتۆرات لە دەرەوەی وڵات خوێندووە فەرمانی وەزاریی یەکسانکردنی بڕوانامە دابنێ وە ئەو زانیارییانەی داوا کراون پێویستە هاوشێوەی بەڵگەنامەکان بن لە کاتی هەبوونی هەر هەڵەیەک هەژمارەکە وەر ناگیرێت.
• لە بڕگەی ئاستی پێویست بۆ بڕوانامە بۆ دکتۆرای بەشە زانستی و پزیشکیەکان پێویستیان بە ئاستی (Intermediate) بەو ئاستە هەیە گشت پسپۆڕی و بەشەکانیتر بە ماستەر و دکتۆرا و نازناوی زانستی پێویستی بە ئاستی (Pre-Intermediate) دەبێ پێش ئەوەی دەست بکەین بە پەسەند کردنی داتاکان دەتوانن گۆڕانکاری لە بڕگەکان بکەن.
• تکایە لە کۆتایی پێشکەش کردنی زانیارییەکان، هەژمارەکە پشتڕاست بکەنەوە، کە لە بەشی خوارەوە چوارگۆشەیەکی بچووک هەیە و پێویستە کلیکی لەسەر بکەن.