ئارەزوومەندانی وەرگیران لە فاکەڵتیی پەروەردەی وەرزشی زانکۆی کۆیە دوابەدوای وەرگرتنی فۆڕمی داواکاریی وەرگیران تاقیکردنەوەی توانایی جەستەیی و کارامەییان بە مەبەستی هەڵسەنگاندنیان و وەرگرتنیان وەک خوێندکاری قۆناغی یەکەم بۆ ئەنجامدرا.
ڕۆژی سێ شەممە ١٢ی ئەیلوولی ٢٠٢٣، فاکەڵتیی پەروەردەی وەرزشی زانکۆی کۆیە تاقیکردنەوەی جەستەیی و کارامەیی بۆ خوازیارانی وەرگیران لە فاکەڵتیی پەروەردەی وەرزشی زانکۆی کۆیە بەڕێوەبرد.
ئەم تاقیکردنەوانە لە هۆڵی داخراوی فاکەڵتیی وەرزشی زانکۆی کۆیە بەڕێوەچوو و ئامانج لێی هەڵسەنگاندنی توانایی جەستەیی خوازیاران بوو، تاقیکردنەوەکان هەڵسەنگاندنە جەستییە جۆراوجۆرەکانی بواری وەرزشی لەخۆگرتبوو وەک ڕاکردنی ٦٠ مەتری بۆ کچان و کوڕان، مەشقی شناو، مەشقی سک، خۆهەڵواسین لەسەر عوقلە بۆ کچان و کوڕان، بازدان و تاقیکردنەوەی تەکنیکیی و کارامەیی یارییە بە کۆمەڵەکان.
فاکەڵتیی پەروەردەی وەرزشی زانکۆی کۆیە ساڵانە و لە دەستپێکی ساڵی نوێی خوێندن تاقیکردنەوەی توانایی جەستەیی و کارامەیی بۆ خوازیارانی خوێندن لە فاکەڵتیی پەروەردەی وەرزشی زانکۆی کۆیە بەڕێوەدەبات.
