تێزی خوێندکاری ماستەر " شۆڕش جوهر حمدامین " لە بواری زمانی عەرەبی و بە ناونیشانی " جهود الدکتور محمد خیر الحلوانی فی دراسة نحو اللغة العربیة " لە بەشی عەرەبی فاکەڵتیی پەروەردەی زانکۆی کۆیە گفتوگۆ کرا.
ڕۆژی پێنج شەممە ٢١ی ئەیلوولی ٢٠٢٣، گفتوگۆی خوێندکاری ماستەر " شۆڕش جوهر حمدامین " لە بواری زمانی عەرەبی و بە ناونیشانی " جهود الدکتور محمد خیر الحلوانی فی دراسة نحو اللغة العربیة " لە هۆڵی م. تاهیر بەکر لە فاکەڵتیی پەروەردە بەڕێوەچوو.
لێژنەی گفتوگۆ پێکهاتبوون لە بەڕێزان پ.د خلیل رشید احمد سەرۆکی لێژنە و لە زانکۆی چەرمۆ، پ.ی.د عبدالستار صالح احمد ئەندامی لێژنە و لە زانکۆی سەلاحەدین، پ.ی.د عبدالرحمن عزیز مصطفی ئەندامی لێژنە و لە زانکۆی ڕاپەڕین و پ.ی.د عبدالخالق ولی فتاح لە زانکۆی کۆیە ئەندامی لێژنە و سەرپەرەشتیاری توێژینەوە.
ئەندامانی لێژنەکە لە ماوەی دیاریکراودا هەڵسەنگاندن و ڕاوبۆچوون و تێبینیی خۆیان لەسەر توێژینەوەکە خستەڕوو و خوێندکاری ناوبراویش لەگەڵ وەڵامدانەوەی پرسیارەکان شرۆڤەی پێویستی لەمەڕ سەرنجەکانی لێژنە خستەڕوو و بەمجۆرە توێژینەوەکە پەسەندکرا.
بەشی زمانی عەرەبی یەکێکە لە بەشەکانی فاکەڵتیی پەروەردەی زانکۆی کۆیە و ساڵی ئاکادیمی ٢٠٠٠-٢٠٠١ دامەزراوە ، ئەم بەشە خاوەنی ٢٠ ستافی ئاکادیمییە، ئەم بەشە هەل و دەرفەتێکی گونجاو بۆ خویندکاران دەڕەخسێنێت بۆ خوێندنی زمانی عەرەبی و زانستە پەیوەندیدارەکانی بواری زمانەکە.
