بەڕێز سەرۆکی زانکۆ، پێشوازی لە بەڕێوەبەری گشتیی پۆلیسی کۆیە و ژمارەیەک ئەفسەری بەڕێوەبەرایەتییەکە کرد.
ئەمڕۆ دووشەممە ٢١ی ئابی ٢٠٢٣، بەڕێز سەرۆکی زانکۆ، پ.ی.د. محمد حسیب صدیق پێشوازی لە بەڕێز بەڕێوەبەری گشتیی پۆلیسی کۆیە، عەمید علی عبداللە عمر و ژمارەیەک ئەفسەری بەڕێوەبەرایەتییەکە کرد.
لە میانی پێشوازییەکەدا کە بە ئامادەبوونی بەڕێزان یاریدەدەرانی سەرۆکی زانکۆ و بەڕێوەبەرەکانی کارگێڕی، تەندروستی و سەلامەتی، بەشەناوخۆییەکان و ڕاگەیاندن بەڕێوەچوو، بەڕێز بەڕێوەبەری گشتیی پۆلیسی کۆیە فەرمانی دەستبەکاربوونی ئەفسەری نوێی بنکەی پۆلیسی زانکۆ موقەدەم هیوا خالد رحمان پێشەکەشی بەڕێز سەرۆکی زانکۆ کرد.
بەڕێز سەرۆکی زانکۆ، بەخێرهاتنی میوانەکانی کرد و پیرۆزبایی لە ئەفسەری نوێی بنکەی زانکۆ کرد و هیوای سەرکەوتنی لە ئەرکەکەی بۆ خواست.
بەڕێز سەرۆکی زانکۆ، ئاماژەی بە گرنگیی بنکەی پۆلیسی زانکۆ کرد بەو پێیەی کە زانکۆ ناوەندێکی ئەکادیمییە و رێنمایی و رێکارەکان و شێوازی مامەڵەکردن لەگەڵ شوێنەکانی دیکەی شار جیاوازە و جەختی لەسەر گرنگیی هەماهەنگی و هاوکاری نێوان زانکۆ و بنکەی پۆلیس و کارمەندەکان کردەوە.
هاوکات هەریەک لە بەڕێوەبەری هۆبەی جوڵان لە پۆلیسی کۆیە عەقید ئەرسەلان بایز، بەڕێوەبەری بنکەی پۆلیسی زانکۆ موقەدەم هیوا خالد رحمان و بەڕێوەبەری چالاکییە مەدەنییەکانی پۆلیسی کۆیە موقەدەم ئاری علی هاوەڵی بەڕێز بەڕێوەبەری گشتیی پۆلیسی کۆیەیان کردبوو.
