بەڕێز سەرۆکی زانکۆ، پ.ی.د. محمد حسیب صدیق راهێنەر، یاریزانان و و دەستەی کارگێڕیی هەڵبژاردەی فوتساڵی خوێندارانی زانکۆی خەڵاتکرد.
ئەمڕۆ ٢٥ی ئایاری ٢٠٢٣، بەڕێز سەرۆکی زانکۆ، پ.ی.د. محمد حسیب صدیق بە ئامادەبوونی بەڕێزان یاریدەدەری سەرۆکی زانکۆ بۆ کاروباری خوێندکاران پ.ی.د. قارەمان نادر و بەڕێوەبەری ڕاگەیاندنی زانکۆ م.ی. محمد کریم سیدگوڵ بەبۆنەی بەدەستهێنانی پلەی دووەم لە پاڵەوانێتی فووتساڵ لەسەر ئاستی زانکۆکانی کوردستان پێشوازی لە راهێنەر، یاریزانان و و دەستەی کارگێڕیی هەڵبژاردەی فوتساڵی خوێندارانی زانکۆی کۆیەی کرد.
لە میانی رێوڕەسمەکەدا، بەڕێز سەرۆکی زانکۆ بەخێرهاتنی ئەندامانی تیپەکەی کرد و دەستخۆشی لە راهێنەر و دەستەی کارگێڕی و یاریزانان کرد بۆ بەدەستهێنانی ئەو پلەیە.
بەڕێز سەرۆکی زانکۆ، ئاماژەی بە گرنگیی بەشداریکردنی خوێندکارانی زانکۆ لەسەر ئاستی کۆمەڵ و تاکە کەسی لە سەرجەم پاڵەوانێتییە وەرزشییەکانی سەر ئاستی کوردستان و عێراق کرد و پاڵپشتیی خۆی بۆ ئەو مەبەستە خستەڕوو.
هەروەها بەڕێز سەرۆکی زانکۆ، ئامادەیی خۆی بۆ پاڵپشتیکردنی مێواندارێتی پاڵەوانێتییە وەرزشییە ناوخۆیی و نێودەوڵەتییەکان نیشاندا و هانی بەڕێوەبەرایەتی چالاکییە وەرزشیکان و مامۆستایانی فاکەڵتیی وەرزش دا کە بەو ئاراستەیە کاربکەن.
هاوکات، بەڕێز سەرۆکی زانکۆ، پ.ی.د. محمد حسیب صدیق دەستخۆشی لە بەڕێوەبەرایەتی چالاکییە وەرزشی و هونەرییەکان کرد بۆ سەرپەرشتی کردنی کردنی هەڵبژاردەکە و هەماهەنگیی مامۆستایانی فاکەڵتیی وەزشی بۆ سەرخستنی تیپەکە بەرزنرخاند.
لای خۆیەوە، بەڕێزیاریدەدەری سەرۆکی زانکۆ بۆ کاروباری خوێندکاران پ.ی.د. قارەمان نادر سوپاسی پاڵپشتی و هاندانی بەڕێز سەرۆکی زانکۆی کرد و ستایشی رۆڵی بەڕێوەبەرایەتی چالاکییە وەرزشی و هونەرییەکان و فاکەڵتیی پەروەردەی وەرزش و مامۆستایانی کرد لە کۆکردنەوەی یاریزانان و سەرپەرشتی کردنیان و گەیاندنیان بە ئاستی بە دەستهێنانی پاڵەوانێتی کرد.
راهێنەری هەڵبژاردەکە بەڕێز پ.د. گۆران مەعروف میوانداریکردن و خەڵاتکردنیان لەلایەن بەڕێز سەرۆکی زانکۆوە بەرز نرخاند و سوپاسی پاڵپشتییەکانی بەڕێزیانی کرد و ئاماژەی بەوە کرد کە ئەو پاڵپشتییە هانیان دەدات ئەنجامی باشتر و بەرزتر بۆ زانکۆی کۆیە بهێنن.
هاوکات بەڕێز بەڕێوەبەری بەڕێوەبەرایەتی چالاکییە وەرزشی و هونەرییەکان مامۆستا دلیر کەمال خۆشحاڵی خۆی بە خەڵاتکردنەکە دەربڕی و ئەوەی راگەیاند کە ئەو خەڵاتکردن و پێزانینە هاندانێک دەبێت و بەڕێوەبەرایەتییەکەیان و یاریزانان بۆ ئەوەی خزمەتی زیاتری زانکۆی کۆیە بکەن.
لای خۆیانەوە خوێندکاران سوپاسی بەڕێز سەرۆکی زانکۆیان کرد و خۆشحاڵی خۆیان بە خەڵاتکردن دەربڕی.
هەڵبژاردەی تۆپی پێی زانکۆی کۆیە پلەی دووەمی لەسەر ئاستی زانکۆکانی کوردستانی بەدەستهێنا
هەڵبژاردەی تۆپی پێی زانکۆی کۆیە گەیشتە یاریی کۆتایی پاڵەوانێتی زانکۆکانی کوردستان
