شاندێکی زانکۆی کۆیە بەشدارییان لە وۆرکشۆپیکی تایبەت بە فاکەڵتییەکانی پەروەردە لەسەر ئاستی عێراق کرد

شاندێکی زانکۆی کۆیە بەشدارییان لە زانکۆی سلێمانی بەشدارییان لە وۆرکشۆپێکی تایبەت بە  پڕۆسەی “متمانەبەخشینی ئەکادیمی پڕۆگرامەکانی کۆلێژە پەروەردەییەکان” کرد.

ڕۆژی ١٧ی تشرینی دووەمی ٢٠٢٤، شاندێکی زانکۆی کۆیە بە سەرۆکایەتی یاریدەدەری سەرۆکی زانکۆ بۆ کاروباری زانستی و خوێندنی باڵا، پ.د. هشیار زکي و ئەندامبوونی ڕاگری فاکەڵتیی پەروەردە پ.د. سەفین جەلال و م.ی. هاوڕێ جبار لە بەڕێوەبەرایەتیی دڵنیایی جۆری، بەشدارییان لە وۆرکشۆپێکی تایبەت بە  پڕۆسەی “متمانەبەخشینی ئەکادیمی پڕۆگرامەکانی کۆلێژە پەروەردەییەکان” کرد.

وۆرکشۆپەکە کە لە زانکۆی سلێمانی بەڕێوەچوو، ژمارەیەکی زۆر ڕاگری فاکەڵتییەکانی پەروەردە لە زانکۆکانی هەرێمی کوردستان وعێراق ئامادەی بوون وبابەتەکانی تایبەتبوون بە ڕێکارەکانی متمانەبەخشین بە پرۆگرام وبڕوانامەکانی فاکەڵتییەکانی پەروەردە و ڕێنمایی و ڕێکارەکان بۆ جێبەجێکردنی ستانداردەکانی ئەنجومەنی متمانەبەخشینی نیشتمانی بۆ بەرنامەکانی فاکەڵتییەکانی پەروەردە.

هاوکات لە کۆتایی وۆرکشۆپەکەدا بڕوانامەی ئامادەبوون بەخشرایە ڕاگری فاکەڵتیی پەروەردەی زانکۆی کۆیە پ.د. سەفین جەلال.