بەشی مێژوو لە فاکەڵتیی پەروەردەی زانکۆی کۆیە وۆرکشۆپێکی بەناونیشانی "کاریگەریی ژن لەسەر ڕەوتی حوکمڕانی لەو مێژوودا"  بەڕێوەبرد. 

ڕۆژی یەکشەممە ٧ی گوڵان(بانەمەڕ)ی ٢٧٢٥ی کوردی بەرانبەر ٢٧ی نیسانی ٢٠٢٥ی زایینی، بە ئامادەبوونی یاریدەدەری سەرۆکی زانکۆ بۆ کاروباری زانستی و خوێندنی باڵا پ.د هشیار زکی و ڕاگری فاکەڵتیی پەروەردە  پ.د سەفین جلال، مامۆستایان و خوێندکارانی زانکۆی کۆیە بەشی مێژوو لە فاکەڵتیی پەروەردەی زانکۆی کۆیە وۆرکشۆپێکی بەناونیشانی "کاریگەریی ژن لەسەر ڕەوتی حوکمڕانی لەو مێژوودا" لە هۆڵی سەرۆکایەتیی زانکۆی کۆیە بەڕێوەبرد. 

وۆرکشۆپەکە لە پانێلێکی سەرەکی پێکهاتبوو و لەلایەن د.ئامانج سەلام حمدامین بەڕێوەبردرا و ئەم بابەتانەی تێدا پێشکەش کرا: 

بابەتی "ڕۆڵی سیاسیی ژن لە سەردەمی یەکەم و دووەمی عەبباسی(السیدة شغب) بە نموونە" لەلایەن د. هۆشمەند علی عزیز پێشکەش کرا.

بابەتی “ڕۆڵی شەجەرەدوور لەسەر حکومڕانی"   لەلایەن د. زەردەشت دڵشاد خضر پێشکەش کرا.

بابەتی " ڕۆڵی ژنانی کورد لە کاروباری حکومڕانیدا (عادیلە خانم) وەک نموونە "  لەلایەن پ.ی.د زانا طیفور   عبدالصمد پێشکەش کرا.

بابەتی “کاریگەریی ژنانی ئێران لەسەر ڕەوتی حوکمڕانی )قەرەعەین و زەینەب پاشا(   بە نموونە” لەلایەن م .ی کوێستان احمد خدر پێشکەش کرا. 

بڕگەی پرسیار و گفتوگۆی بەشداربووان لەگەڵ پێشکەشکارانی بابەتەکان وۆرکشۆپەکەی دەوڵەمەندتر کرد و لە کۆتاییی وۆرکشۆپەکەدا بڕوانامەی بەشداریکردن بەسەر بەڕێوەبەری  پانێل و  پێشکەشکارانی بابەتەکان دابەش کرا.

کۆڵەکەی سێیەمی پلانی ستراتیژیی زانکۆی کۆیە تایبەتە بە کۆڵەکەی سەرەکیی "گەیاندنی خزمەتگوزاری بە کۆمەڵگە" و ئامانجی سێیەم "چارەسەرکردنی ئەو پرسە کۆمەڵایەتییانەی کە ڕووبەڕووی کۆمەڵگە خۆجێییەکان دەبنەوە لەپێناو باشترکردنی جۆری ژیانیان" کار دەکات بۆ جێبەجێکردنی ستراتیژیی بەگەڕخستنی توێژینەوەکانی زانکۆی کۆیە بۆ پڕۆژەکانی کۆمەڵگە لە ڕێگەی لێکۆڵینەوە، سیمینار، وۆرکشۆپ و کۆنفڕانس.