سێ مامۆستای بەشی جوگرافیا لە کۆنفڕانسێکی نێودەوڵەتی بەشدار بوون

سێ مامۆستای بەشی جوگرافیا لە فاکەڵتیی پەروەردەی زانکۆی کۆیە پێکهاتوو لە پ.د. لقمان وسو عمر، پ.ی.د. پێشڕەو صمد توفیق و پ.ی.د. صمد عبداللە صالح لە حەوتەمین کۆنفڕانسی زانستیی نێودەوڵەتیی زانکۆی گەرمیان بەشدار بوون.

پ.د. لقمان وسو وەک قسەکەری سەرەکی بابەتی "گرفتە ژینگەییە جیهانییەکان و ڕەنگدانەوەی ژینگەیی لەسەر ئیدارەی گەرمیان" و پ.ی.د. صمد عبداللە صالح توێژینەوەیەکی بە ناونیشانی "جیاوازیی تێکڕای دابارینی باران لەسەر ئاستی ئاوی ژێرزەوی لە ئاوزێڵەکانی ئاغجەمەشەت و خدر وەلی" پێشکەش کرد و هەروەها پ.ی.د. پێشڕەو بەڕێوەبەری یەکێک لە پانێلەکانی کۆنفڕانسەکە بوو.

 زانکۆی کۆیە پلانێکی ستراتیژیی گشتگیر و پێکهاتوو لە حەوت کۆلەکەی سەرەکی وەک نەخشەڕێگا و ڕێنمای بەدەستهێنانی مەبەستەکانی خۆی وەکوو ناوەندێکی باڵای ئاکادیمی و فێرکردن دیاری کردووە و یەکێک لەو کۆڵەکە سەرەکییانە کۆڵەکەی دووەم واتە "توێژینەوە و داهێنان" کە تایبەتمەندە بە بوارەکانی توێژینەوە و لە چوارچێوەی ئامانجی دووەم "زیادکردنی هەلی توێژینەوە بۆ ستافی ئاکادیمی و خوێندکاران" و ستراتیژیی چوارەم بەڕێوەبردنی کۆنفڕانس و سیمپۆزیۆم هانی مامۆستا و توێژەرانی زانکۆی کۆیە دەدات وێڕای بڵاوکردنەوەی توێژینەوەکانیان هاوکات بەشداربن لە کۆنفڕانسە نێوخۆیی و جیهانییەکان.