مامۆستایەکی زانکۆی کۆیە بە توێژینەوەیەکی هاوبەش لە کۆنفڕانسێکی نێودەوڵەتیی بەشداربوو
پ.ی.د دەریا صابر حمد مامۆستا لە بەشی زمانی کوردی لە فاکەڵتیی پەروەردەی زانکۆی کۆیە بە توێژینەوەیەکی هاوبەش بەشداربوو لە "سێیەمین کۆنفڕانسی نێودەوڵەتیی زانستیی زانستە مرۆیی و کۆمەڵایەتی و ئاڵنگارییە زانینییەکان" لە زانکۆی فیردەوسی شاری مەشهەدی وڵاتی ئێران.
توێژینەوە هاوبەشەکە بە ناونیشانی "شیکردنەوەی چەمکی ڕوونی و تاریکیی واتاییی وشەی لێکدراو لە کۆمەڵە کورتەچیرۆکی "زریکە"ی عەتا نەهاییدا" لەلایەن هەریەک لە م.ی کازم فەرەج حمەسعید، م.ی سەروەت نیعمەتووڵا ساڵح و پ.ی.د دەریا صابر حمد لە کۆنفڕانسەکەدا بەشداربوو.
زانکۆی کۆیە پاڵپشت بە پلانی ستراتیژیی خۆی و کۆڵەکەی سەرەکیی "توێژینەوە و داهێنان" کار دەکات بۆ پەرەپێدانی تواناییە ئاکادیمی و توێژینەوەیەکانی مامۆستایان و هاوکات بەشداری مامۆستایان لە کۆنفڕانس، سیمینار و وۆرکشۆپە نێوخۆیی و نێودەوڵەتییەکان بۆ بەرەوپێشچوونی ئاستی توێژینەوەی زانستی بە گرینگ دەزانێ.
محمد کریم سیدگوڵ، بەڕێوەبەری ڕاگەیاندن و هەواڵسازی کوردی
عبدالله عثمان علی، وەرگێڕ کوردی - عەرەبی - ئینگلیزی
زانیار محمد محمد امین، هەواڵسازی کوردی
عثمان کمال ابراهیم، گرافیک دیزاینەر
هێمن ابوبکر ابراهیم، گرافیک دیزاینەر و وەرگێڕ کوردی - ئینگلیزی
دڵشاد جمیل کاکەڕەش، فۆتۆگرافەر
سامان فاتح، ئەندازیاری دەنگ