کۆیه گۆڕانکاری به‌سه‌ردا هات و له سیسته‌می کۆلیژیه‌وه گۆڕدرا بۆ سیسته‌می فه‌که‌ڵتی به‌مه‌به‌ستی زیادکردن و به‌ره‌وپێشبردنی کارلێکی نێوان بواره ئه‌کادیمیه وێکچوه‌کان. له‌ئێستادا زانکۆی کۆیه له‌چوار فه‌که‌ڵتی و بیست و پێنج به‌شی بواری جیاواز پێک هاتووه.
پڕۆگرامه‌کانی خوێندن له‌زانکۆی کۆیه به‌کالیۆرۆس، ماسته‌ر و دکتۆرا ده‌گرێته‌وه و خوێندکارانی ده‌رچوو زانست و شاره‌زایی به‌رچاو به‌ده‌ست ده‌هێنن که‌ده‌بێته هۆی ئه‌وه‌ی له‌جه‌ندین بوار و پیشه‌دا لێهاتو و شاره‌زابن له‌وانه، بواری دیزاین و نه‌خشاندن، بواری ئه‌ندازیاری، ڕاوێژکاری، به‌ڕێوه‌بردنی کڕین و فرۆشتن و بازرگانی له ئاستی جیاوازدا، وانه‌بێژی و تویژینه‌وه.
فه‌که‌ڵتی ئه‌ندازیاری
فه‌که‌ڵتی ئه‌ندازیاری له‌زانکۆی کۆیه شوینێکی نمونه‌ییه بۆ ده‌ستخستنی زانست و زانیاری. فه‌که‌ڵتی ئه‌ندازیاری سه‌نته‌رێکی نمونه‌یی دابینکردنی خوێندن و توێژینه‌وه‌ی پێشکه‌وتووه له‌بواره جیاوازه‌کانی ئه‌ندازیاریدا. ئه‌م فه‌که‌ڵتیه له‌سێ سکوڵ پێک هاتووه؛ ئه‌وانیش سکوڵی بیناسازی و دروست کردن که‌سێ به‌شی زانستی له‌خۆ ده‌گرێت، سکوڵی نه‌وت و ئه‌ندازیاری کیمیایی که‌دوو به‌شی زانستی له‌خۆ ده‌گرێت، سکوڵی کۆمپیوته‌ر که‌به‌شێکی زانستی له‌خۆی ده‌گرێت.
فه‌که‌ڵتی زانست و ته‌ندروستی
فه‌که‌ڵتی زانست و ته‌ندروستی سه‌نته‌رێکی نمونه‌یی دابینکردنی خوێندن و توێژینه‌وه‌ی پێشکه‌وتووه له‌بواره جیاوازه‌کانی ته‌ندروستی و زانسته بنچینه‌ییه‌کانی وه‌کو زینده‌وه‌رزانی، کیمیا، بیرکاری و فیزیا. ئه‌م فه‌که‌ڵتیه له‌سێ سکوڵ پێک دێت: سکوڵی پزیشکی، سکوڵی زانستی که له‌پێنج به‌شی زانستی پێک هاتووه، سکوڵی ته‌ندروستی که‌به‌شه‌کانی ده‌رونناسی پزیشکی و مایکڕۆبایۆلۆجی پزیشکی له‌خۆ ده‌گرێته‌وه.
فه‌که‌ڵتی زانسته مرۆڤایه‌تیه‌کان و کۆمه‌ڵایه‌تی
له‌فه‌که‌ڵتی زانسته مرۆڤایه‌تیه‌کان و کۆمه‌ڵایه‌تی گه‌ڕان و توێژینه‌وه سه‌باره‌ت به پرسه سیاسی و کۆمه‌ڵایه‌تیه گرنگه‌کانی هاوچه‌رخ ده‌کرێت له‌ڕۆژگاری ئه‌مڕۆماندا. جه‌خت کردنه‌وه و گرینگیدان به وانه‌وتنه‌وه، فێربوون و توێژینه‌وه وا له‌خوێندکارانی ده‌رچوو ده‌کات شاره‌زایی و زانست وزانیاری نمونه‌یی ده‌ست بخه‌ن که‌توانای جیاوازی دروست کردنیان هه‌بێت له کۆمه‌ڵگادا.
فه‌که‌ڵتی په‌روه‌رده
فه‌که‌ڵتی په‌روه‌رده فه‌که‌ڵتیه‌کی داینامیک و چالاکه له‌بره‌ودان به‌خوێندنی پێشکه‌وتوو وه‌کو پڕاکتیزه‌کردنێکی پڕۆفیشناڵانه وه له‌بواری به‌دواداچونی پسپۆڕی له‌ڕێگه‌ی وانه‌وتنه‌وه و توێژینه‌وه و خزمه‌تگوزاری کۆمه‌ڵگا که‌ئه‌مانه‌ش هۆکاری به‌ره‌وپێش چوونی ئازادی، دیموکراسی، یه‌کسانی و شکۆی مرۆڤایه‌تین. فه‌که‌ڵتی په‌روه‌رد هه‌وڵی به‌ره‌وپێش بردنی جۆری خوێندن و یه‌که‌ی خزمه‌تگوزاری کۆمه‌ڵایه‌تی ده‌دات له‌ئاستی نێوده‌وڵه‌تیدا له‌ڕێگه‌ی جۆری باشی وانه‌وتنه‌وه، توێژینه‌وه و بره‌ودان به بواری پؤفیشناڵی.