خوێندکارانی قۆناغی سێیەم و چوارەمی بەشی زمانی ئینگلیزی- بەیانیان لە فاکەڵتیی زانستە مرۆڤایەتی و کۆمەڵایەتیەکانی زانکۆی کۆیە، سەردانێکی زانستییان بۆ زانکۆی دهۆک ئەنجامدا.
رۆژی چوارشەممە ١ی ئاداری ٢٠٢٣ خوێندکارانی قۆناغی سێیەم و چوارەمی بەشی زمانی ئینگلیزی- بەیانیان لە فاکەڵتی زانستە مرۆڤایەتی و کۆمەڵایەتیەکان سەردانێکی زانستییان بە سەرپەرشتی م.ی. هانا محمد سمایل، م. ئارەزوو عثمان رشید و محمد عبدالحمید کریم سەردانێکی زانستییان بۆ زانکۆی دهۆک ئەنجامدا.
لە میانی سەردانەکەدا، خوێندکاران سەردانی بەشی ئینگلیزی کۆلێژی زمانی زانکۆی دهۆکیان کرد.
سەرۆکی بەشی زمانی ئینگلیزی- بەیانیان، م.ی. هانا محمد سمایل دەربارەی گەشتەکە گوتی:
"خوێندکارانمان هەلی ئەوەیان بۆ رەخسا کە چاویان بە خوێندکاران و مامۆستایانی بەشی ئینگلیزی زانکۆی دهۆک بکەوێت و بەشداربن لە وانەکانیان و سەردانی کتێبخانەی بەشی ناوبراو بکەن و گەشتێک بە نێو کەمپەسی زانکۆکە بکەن."
مامۆستا هانا، ئاماژەی بەوەش کرد کە لە کۆتایی گەشتەکەشدا ستافی هەردوو بەش گفتوگۆیان لەسەربرەودانی زیاتر بە پەیوەندیی زانستی نێوان هەردوو بەش کردوەوە و گوتی:
" سەردانە زانستیەکە بەشێک بوو لە پرۆگرامی بەهێزکردنی توانای ئەکادیمی خوێندکارانی زانکۆی کۆیە کە ئامانج لێی فراوانکردنی ئەزموونی فێربوونی خوێندکاران و بەهێزکردنی پەیوەندەی ئەکادیمەیە لەگەل زانکۆکانی تری ھەرێم."
