ماستەرنامەیەک لە بەشی مێژووی زانکۆی کۆیە سەبارەت بە بازرگانی لە کوردستان بە ناونیشانی " بازرگانی لە کوردستان لە هەزارەی دووەمی پ.ز لەژێر ڕۆشنایی دەقە مێخییەکان" گفتوگۆ کرا.
ڕۆژی دووشەمە ٣ی تەمووزی ٢٠٢٣، گفتوگۆی خوێندکاری ماستەر " سارا شۆڕش عمر " لە بواری مێژوو سەبارەت بە بازرگانی لە کوردستان بە ناونیشانی " بازرگانی لە کوردستان لە هەزارەی دووەمی پ.ز لەژێر ڕۆشنایی دەقە مێخییەکان" لە هۆڵی م. تاهیر بەکر لە فاکەڵتیی پەروەردەی زانکۆی کۆیە بەڕێوەچوو.
ئەندامانی لێژنەی گفتوگۆ پێکهاتبوون لە بەڕێزان پ.د عماد عبدالقادر محمد سعد سەرۆکی لێژنە و لە زانکۆی ڕاپەڕین، پ.ی.د ڕیبر جعفر احمد ئەندامی لێژنە و لە زانکۆی دهۆک، پ.ی.د دڵشاد عزیز مارف ئەندامی لێژنە و لە زانکۆی سلێمانی و پ.ی.د کامران محمد جلال لە زانکۆی کۆیە ئەندامی لێژنە و سەرپەرەشتیاری توێژینەوە.
ئەندامانی لێژنەکە لە ماوەی دیاریکراودا هەڵسەنگاندن و ڕاوبۆچوون و تێبینیی خۆیان لەسەر توێژینەوەکە خستەڕوو و خوێندکاری ناوبراویش لەگەڵ وەڵامدانەوەی پرسیارەکان شرۆڤەی پێویستی لەمەڕ سەرنجەکانی لێژنە خستەڕوو و بەمجۆرە توێژینەوەکە پەسەندکرا.
