سەرۆکی زانکۆی کۆیە بەڕێز پ.ی.د محمد حسیب صدیق بە یاوەری ئەندامانی ئەنجوومەنی زانکۆی کۆیە لە مەڕاسیمێکی تایبەتدا پڕۆژەیەکی زانکۆی کۆیەی پێکهاتوو لە پێنج نەمامگە و شەتڵگەی کردەوە.
ڕۆژی چوارشەممە ٣ی نیسانی ٢٠٢٤ی زایینی بەرامبەر ١٥ی خاکەلێوەی ٢٧٢٤ی کوردی، بەئامادەبوونی سەرۆکی زانکۆی کۆیە بەڕێز پ.ی.د محمد حسیب صدیق و ئەندامانی ئەنجوومەنی زانکۆی کۆیە و بەڕێوەبەری بەڕێوەبەرایەتیی باخچەکانی زانکۆی کۆیە بەڕێز ئەندازیار پشتیوان محمد و فەرمانبەر و کرێکارانی بەڕێوەبەرایەتیی باخچەکانی زانکۆی کۆیە، پڕۆژەیەکی زانکۆی کۆیە پێکهاتوو لە پێنج نەمامگە و شەتڵگە کرایەوە.
ئەم پڕۆژەی نەمامگە و شەتڵگەی تایبەتی زانکۆی کۆیە کە لەلایەن بەڕێوەبەرایەتیی باخچەکانی زانکۆی کۆیەوە دروستکراوە و ئەم پڕۆژەیە بەشێکە لە کۆڵەکەی "زانکۆی سەوز"ی پلانی ستراتیژیی زانکۆی کۆیە کە لەڕێگای زیادکردنی ڕووبەری سەوزایی و پشتبەخۆبەستن لە بەرهەمهێنان و پەرەپێدانی بەرهەمە درەختی و ڕووەکییەکان هەوڵ بۆ دەستەبەرکردنی ئەم ئامانجەی زانکۆی کۆیە بۆ بوون بە زانکۆیەکی سەوز دەدات.
لەمیانەی مەڕاسیمی کردنەوەی پڕۆژەی نەمامگە و شەتڵگە تایبەتەکانی زانکۆی کۆیە خەڵاتی ڕێزلێنان لەلایەن سەرۆکی زانکۆی کۆیەوە بەڕێز پ.ی.د محمد حسیب صدیق بەسەر کرێکارانی بەڕێوەبەرایەتیی باخچەکانی زانکۆی کۆیە دابەشکرا لەپای ئەرک و ماندووبوونی بەردەوامیان لە ڕاپەڕاندنی کارەکانیان و کاریگەریان لە بەخشینی سیمایەکی سەوز بە زانکۆی کۆیە.
