دوو مامۆستای فاکەڵتیی پەروەردەی زانکۆی کۆیە بە توێژینەوە لە پێنجەمین کۆنفڕانسی نێودەوڵەتیی زانستەمرۆڤایەتییەکان بەشدار بوون
پ.ی.د. تەلار صباح مامۆستا لە بەشی زمانی کوردیی و م.ی. بەسیدە حەیدەر مامۆستا لە بەشی پەروەردە و دەروونزانی لە فاکەڵتیی پەروەردەی زانکۆی کۆیە بە دوو توێژینەوە لە بوارەکانی زمان و کۆمەڵناسی لە پێنجەمین کۆنفڕانسی نێودەوڵەتیی زانستەمرۆڤایەتییەکان لە زانکۆی نەورۆز لە شاری دهۆک بەشدار بوون.
ڕۆژانی ٣١ی خاکەلێوە بۆ ١ی بانەمەڕ(گوڵان)ی ٢٧٢٦ی کوردی بەرانبەر ٢٠ و ٢١ی نیسانی ٢٠٢٦ی زایینی، پێنجەمین کۆنفڕانسی نێودەوڵەتیی زانستەمرۆڤایەتییەکان لە زانکۆی نەورۆزی شاری دهۆک بەڕێوە چوو و هەریەک لە پ.ی.د. تەلار صباح بە توێژینەوەیەک لە بواری زمان بە ناونیشانی "دیاردەی کۆچکردن و کاریگەری لەسەر فەرهەنگی زمان" و م.ی. بەسیدە حەیدەر بە توێژینەوەیەک لە بواری کۆمەڵناسی بە ناونیشانی "کۆچکردنی ژنانی ڕۆژهەڵاتی کوردستان؛ هۆکار و گرفتەکانی بەردەمیان" بەشدار بوون.
توێژینەوە و داهێنان و پلانی ستراتیژی
کۆڵەکەی دووەمی پلانی ستراتیژیی زانکۆی کۆیە واتە کۆڵەکەی "توێژینەوە و داهێنان" دەستپێشخەرییەکی تایبەتمەندی ئاکادیمییە تاکوو بە هاندانی توێژەران و مامۆستایانی زانکۆی کۆیە ڕێگا بۆ لێکۆڵینەوە و توێژینەوەیەکی بەپریستیژ و بەرهەمدار بکاتەوە کە لە ئاستی نیشتمانی و نێونەتەوەییدا کاریگەری و گرینگیی تایبەتی هەبێت.
زیادکردنی هەلی توێژینەوە بۆ ستافی ئاکادیمی ئامانجی دووەم
پلانی ستراتیژیی زانکۆی کۆیە کۆڵەکەی دووەمی تایبەت بە "توێژینەوە و داهێنان" لە چوار ئامانج و چواردە ستراتیژیی پێکهاتووە و ئامانجی دووەمی ئەم کۆڵەکە بە ناونیشانی "زیادکردنی هەلی توێژینەوە بۆ ستافی ئاکادیمی و خوێندکاران" لە چوارچێوەی ستراتیژیی چوارەم واتە "ئەنجامدانی کۆنفڕانس و سیمپۆزیۆم" مامۆستایان و توێژەرانی زانکۆ هان دەدات وێکڕا توێژینەوەکانیان بڵاو بکەنەوە و لە کۆنفڕانسە نێوخۆیی و جیهانیەکانیش بەشدار بن.
محمد کریم سیدگوڵ، بەڕێوەبەری ڕاگەیاندن و هەواڵسازی کوردی
زانیار محمد محمد امین، هەواڵسازی کوردی
هێمن ابوبکر ابراهیم، گرافیک دیزاینەر و ووێب سایت
ڕێبین اسود عوڵا، وەرگێڕ کوردی - ئینگلیزی
لاڤە سەرباز طاهر، وەرگێڕ کوردی - ئینگلیزی
دڵشاد جمیل کاکەڕەش، فۆتۆگرافەر
سامان فاتح، ئەندازیاری دەنگ