هەولێر | ڕاگەیاندنی زانکۆ

لە چوارچێوەی هەوڵەکانی بۆ  جێبەجێبکردنی ڕێکارەکانی دەستپێشخەریی زانکۆی سەوز سەرۆکی زانکۆی کۆیە پ.د. محمد حسیب صدیق وەزارەتی کشتوکاڵ و سەرچاوەکانی ئاوی حکوومەتی هەرێمی کوردستان کرد.

ڕۆژی سێشەممە، ١٨ی ئابی ٢٠٢٦، سەرۆکی زانکۆی کۆیە پ.د. محمد حسیب صدیق بە سەرۆکایەتیی شاندێک سەردانی وەزارەتی کشتوکاڵ و سەرچاوەکانی ئاوی حکوومەتی هەرێمی کوردستان کرد و لەلایەن خاتوو بێگەرد تاڵەبانی وەزیری کشتوکاڵ و سەرچاوەکانی ئاوی حکوومەتی هەرێمی کوردستان پێشوازییان لێکرا.

لە میانی سەردانەکەدا سەرۆکی زانکۆی کۆیە، باسی لە پلانی ستراتیژیی زانکۆی کۆیە و بە تایبەتی دەستپێشخەریی زانکۆی سەوز کە لەلایەن جێگری سەرۆکی ئەنجوومەنی وەزیرانی هەرێمی کوردستان قوباد تاڵەبانی ڕاگەیەندرا وهەروەها باسی لە ڕێکارەکانی ئەو دەستپێشخەریە کرد.

سەرۆکی زانکۆی کۆیە، ئاماژەی بە گرنگیی ئەو دەستپێشخەرییە و ڕێکارەکانی کرد و ئەوەی خستەڕوو کە دەستپێشخەریی زانکۆی سەوز زانکۆی کۆیە دەکاتە زانکۆیەکی پێشەنگ و نموونە لە بواری پاراستنی ژینگە و بەردەوامیدان.

پ.د. محمد حسیب صدیق، لە میانی دانێشتنەکەدا باسی لە پرۆژەی درووستکردنی پۆند و بەنداوی بچووکی گلدانەوەی ئاو لە ناو کەمپی زانکۆی کۆیەی بۆ وەزیری کشتوکاڵ و سەرچاوەکانی ئاو  کرد و ئەوەی خستەڕوو کە ئەو پرۆژەیە جگە لەوەی کە لە ڕووی کشتوکاڵ و زیادکردنی ڕووبەری سەوزایی گرنگی هەیە لە هەمان کاتدا لە ڕووی گەشتیارییەوە بایەخێکی گەورەی بۆ زانکۆی کۆیە و شاری کۆیە دەبێت.

لای خۆیەوە خاتوو بێگەرد تاڵەبانی وەزیری کشتوکاڵ و سەرچاوەکانی ئاوی حکوومەتی هەرێمی کوردستان،  خۆشحاڵی خۆی بە سەردانی شاندی زانکۆی کۆیە ڕاگەیاند و ستایشی ڕۆڵی زانکۆی کۆیە و ئیدارەی زانکۆی کۆیە کرد لە بەرەوپێشبردن و سەرخستنی زانکۆکە.

خاتو بێگەرد تاڵەبانی، باسی لە گرنگیی هەماهەنگی نێوان ناوەندە ئەکادیمییەکان و وەزارەتی کشتوکاڵ کرد و ئەوەی خستەڕوو کە کۆڵەکەی زانکۆی سەوز و دەستپشخەریی زانکۆی سەوز لە پلانی ستراتیژیی زانکۆی کۆیە دەرفەتی هەماهەنگی زۆری لە نێوان وەزارەتی کشتوکاڵ و سەرچاوەکانی ئاو و زانکۆی کۆیە فەراهەم کردووە.

خاتوو بێگەرد تاڵەبانی وەزیری کشتوکاڵ و سەرچاوەکانی ئاوی حکوومەتی هەرێمی کوردستان، بەڵێنی هەماهەنگی و پاڵپشتیی پرۆژەکانی زانکۆی کۆیەی دا و جەختی لەوە کردەوە کە پێگەی مێژوویی و ستراتیژیی زانکۆی کۆیە وا دەکات کە درێخی نەکەن لە پاڵپشتی کردنی.

لە کۆتایی دیدارەکەدا سەرۆکی زانکۆی کۆیە پ.د. محمد حسیب صدیق بەرگێکی لە پلانی ستراتیژیی زانکۆی کۆیە ٢٠٢٣-٢٠٢٧ی پێشکەشی خاتوو بێگەرد تاڵەبانی وەزیری کشتوکاڵ و سەرچاوەکانی ئاوی حکوومەتی هەرێمی کوردستان کرد.

جێگەی ئاماژەیە هەریەک لە؛ ڕاوێژکاری وەزارەت کشتوکاڵ و سەرچاوەکانی ئاو لە حکوومەتی هەرێمی کوردستان ڕزگار حمد خدر، وتەبێژی وەزارەتی کشتوکاڵ و سەرچاوەکانی ئاو د. قارەمان قادر مولود و بەڕێوەبەری بەڕێوەبەرایەتیی ئاودێری کۆیە ئەندازیار نەوا محمد صالح ئامادەی کۆبوونەوکە بوون.

هاوکات شاندی یاوەری سەرۆکی زانکۆ پێکهاتبوون لە: ڕاگری فاکەڵتیی ئەندازیاری پ.ی.د. گەلاوێژ بەکر باپیر، بەڕێوەبەری پەیوەندییەکان د. پەخشان فەهمی فەرحۆ، ئەمینداری ئەنجوومەنی زانکۆ م. چیا جەوهەر عومەر و بەڕێوەبەری ڕاگەیاندن م.ی. محمد کریم سیدگوڵ.