کۆیە | ڕاگەیاندنی زانکۆ

لە چوارچێوەی هەوڵەکان بۆ پەرەپێدانی ژینگەی ئەکادیمی و باشترکردنی ژێرخانی زانستی، سەرۆکی زانکۆی کۆیە، پ.د. محمد حسیب صدیق، ژمارەیەک پڕۆژەی نوێ و کاری نۆژەنکردنەوەی لە زانکۆی کۆیە کردەوە.

ڕۆژی چوارشەممە، ڕێکەوتی ١٦ی ئەیلوولی ٢٠٢٦،سەرۆکی زانکۆی کۆیە، پ.د. محمد حسیب صدیق، بە یاوەریی ئەندامانی ئەنجوومەنی زانکۆ، تیمی ئەندازیاری و بەڕێوەبەرایەتیی ئەندازە و پڕۆژەکان، سەردانی فاکەڵتیی زانست و تەندروستی کرد و پڕۆژە تەواوکراوەکانی بەسەر کردەوە و دەرگای بۆ کردنەوە.

لە میانەی ئەم سەردانەدا، سەرۆکی زانکۆ چەندین پڕۆژەی گرنگی کردەوە، لەوانە: دروستکردنی هۆڵی تاقیگەی تایبەت بە بەشی زانستی تاقیگەی پزیشکی، هۆڵی سیمینار و پێداویستییەکانی، ژووری سەرۆک و فەرمانبەرانی بەشی کۆمپیوتەر. هاوکات پڕۆسەی نۆژەنکردنەوە و فراوانکردنی ژووری لیژنەی تاقیکردنەوەکان و چەندین کاری دیکەی خزمەتگوزاری کە بۆ پێداویستییەکانی فاکەڵتییەکە ئەنجام دراون، بە فەرمی کرانەوە.

پ.د. محمد حسیب صدیق لە کاتی کردنەوەی پڕۆژەکاندا، دەستخۆشی لە تیمی ئەندازیاری و سەرپەرشتیارانی پڕۆژەکان کرد و جەختی لەسەر بەردەوامیی هەوڵەکان کردەوە بۆ ڕەخساندنی ژینگەیەکی لەبارتر بۆ قوتابیان و مامۆستایانی زانکۆ، بە ئامانجی بەرزکردنەوەی ئاستی زانستی و خزمەتکردنی زیاتری بەشەکان.

هاوکات هەر لە چوارچێوەی هەڵمەتی نۆژەنکردنەوە و باشترکردنی ژێرخانی زانکۆی کۆیە، ئەم پڕۆژانەی خوارەوە تەواو کراون و خراونەتە خزمەتی خوێندکاران و ستافی ئەکادیمیی زانکۆ:

٢. چاککردنەوەی دەروازە و سەربانی سەرەکیی فاکەڵتیی پزیشکی.

٣. دروستکردنی دوو هۆڵی خوێندن لە فاکەڵتیی پەروەردەی جەستەیی و زانستە وەرزشییەکان.

ئەم پڕۆژانە بەشێکن لە پلانی ستراتیژیی زانکۆی کۆیە بۆ نوێکردنەوە و پەرەپێدانی توانا زانستی و کارگێڕییەکانی سەرجەم فاکەڵتی و بەشەکان، بە مەبەستی گونجاندنی ژینگەی خوێندن لەگەڵ ستانداردە نوێیەکانی کوالێتیی زانکۆیی.