بەپێی وەشانی ٢٠٢٥ی دامەزراوەی سایماگۆ بۆ ڕیزبەندی زانکۆکان (SciMago Institution Rankings - 2025 Edition)، زانکۆی کۆیە لە ڕیزبەندییەکە ئاستێکی بەرزی لەسەر ئاستی زانکۆکانی عێراق و زانکۆ حکوومییەکانی کوردستان بەدەستهێناوە.

ڕۆژی شەممە ٨ی ئاداری ٢٠٢٥، دامەزراوەی سایماگۆ بۆ ڕیزبەندی زانکۆکان (SciMago Institution Rankings - 2025 Edition) دووایین وەشانی خۆی بۆ ساڵی ٢٠٢٥ بڵاوکردەوە و زانکۆی کۆیە لە ڕیزبەندی (Overall Ranking) و کاتەگۆری (Innovation) پێشکەوتنێکی بەرچاوی بەدەستهێناوە.

سەرۆکی زانکۆی کۆیە سەردانی باڵیۆزخانەی کۆماری عێراق لە وڵاتی  رووسیا دەکات

سەرۆکی زانکۆی کۆیە پ.ی.د.محمد حسیب صديق لە چوارچێوەی سەردانەکەی بۆ رووسیا و بەشداریکردنی لە دیداری نێودەوڵەتی “دیالۆگی  ئیۆرۆ ئاسیا بۆ خوێندنی باڵا و پەروەردە” سەردانی باڵیۆزخانەی کۆماری عێراقی کرد لە مۆسکۆ و لە لایەن بەرێز ( خلیل عبود ) بەرپرسی کاروباری باڵیۆزخانەی عێراق لە رووسیا بەگەرمی پێشوازی لێکرا و کۆبوونەوەیەکیان ئەنجامدا.

سەرۆکی زانکۆی کۆیە لەگەڵ سەرۆکی زانکۆی یارۆسلاڤل و بەرپرسانی حکومی لە هەرێمی یارۆسلاڤل کۆدەبێتەوە 

زانــكۆی ســلــێمـانـی بەهەمئاهەنگی دامەزراوەی سەرۆك جەلال تاڵەبانی‌ و هەریەك لە زانكۆكانی (كۆیە، ڕاپەڕین، هەڵەبجە، گەرمیان، پۆلیتەكنیكی سلێمانی، پۆلیتەكنیكی گەرمیان، كۆمار، تیشكی نێودەوڵەتی‌ و قەیوانی نێودەوڵەتی)، بەدروشمی (سەرۆك مام جەلال ڕاستی‌ و هەڵوێستە مێژووییەكان)، یەكەمین كۆنفڕانسی زانستیی نێودەوڵەتیی سەرۆك جەلال تاڵەبانی ئەنجامدەدات.
كۆنفڕانسەكە، لە ڕۆژانی (٣ و ٤)ی تشرینی یەكەمی ٢٠٢٥ لە هۆڵەكانی كۆنگرێسی زانكۆی سلێمانی بەڕێوەدەچێت، كە هاوكاتە لەگەڵ هەشتەمین ساڵیادی كۆچی دوایی سەرۆك مام جەلال.

تێزی دکتۆرای "هێژا هیوا طاهر" لە بواری یاسا بەناونیشانی "الاحکام الاجرائیة الخاصة بالاحداث فی التشریع العراقی – دراسة تحلیلیة مقارنة" لە فاکەڵتیی زانستەمرۆڤایەتی و کۆمەڵایەتییەکانی زانکۆی کۆیە گفتوگۆ کرا. 

سەرۆکی یەکێتیی نیشتمانیی کوردستان بڕی ٥٠ هەزار لیتر گازوایلی دیکەی بۆ بەشەناوخۆییەکانی زانکۆی کۆیە دابین کرد

سەرۆکی یەکێتیی نیشتمانیی کوردستان، بافڵ جەلال تاڵەبانی بڕی ٥٠ هەزار لیتر گازوایل دیکەی وەکو هاوکاری بۆ بەشەناوخۆییەکانی زانکۆی کۆیە دابین کرد.

سەرۆکی زانکۆی کۆیە سەرپەرشتی کۆبوونەوەی لیژنەی جێبەجێکردنی کۆڵەگەی (سەرکەوتنی خوێندکاران و ئامادەسازییان بۆ بازاڕی کار)ی پلانی ستراتیژی کرد

سەرۆکی زانکۆی کۆیە لەلایەن باڵیۆزی کۆماری عێراق لە وڵاتی ئیمارات پێشوازی لێ کرا

شاندی زانکۆی کۆیە بەسەرۆکایەتی سەرۆکی زانکۆ لە ڕێکەوتی ٢٨ ی شوباتی ٢٠٢٥ سەردانی باڵیۆزخانەی کۆماری عێراقی کرد لە وڵاتی ئیمارات و لە لایەن بەرێز ( د.موزەفەر الجبوری ) باڵیۆزی کۆماری عێراق  بەگەرمی پێشوازییان لێکرا و کۆبوونەوەیەکیان ئەنجامدا.

شاندی زانکۆی کۆیە سەردانی کۆمپانیای نەوتی نیشتمانیی ئەبوزەبی (ADNOC ) دەکات

شاندی زانکۆی کۆیە بەسەرۆکایەتی سەرۆکی زانکۆ لە وڵاتی ئیمارات لە ڕێکەوتی ٢٠٢٥/٢/٢٨ سەردانی کۆمپانیای نەوتی نیشتمانیی ئەبوزەبی (ADNOC ) ی کرد. لەو چوارچێوەیەدا سەرۆکی زانکۆی کۆیە (پ.ی.د.محمد حسیب صديق) لەگەڵ بەڕێوەبەری سەنتەری توێژینەوە و پەرەپێدانی تاقیکاریی لە کۆمپانیاکە  (د.ستیڤن مورین ) بەئامادەبوونی تیمی سەنتەرەکە و شاندی زانکۆی کۆیە کۆبوونەوەیەکیان ئەنجامدا.

سەرۆکی زانکۆی کۆیە لەگەڵ سەرۆکی پەیمانگای (IITD)ی ئەبوزەبی کۆبوونەوەیەکی ئەنجامدا 

لە درێژەی سەردان و کۆبوونەوەکانی شاندی زانکۆی کۆیە بەسەرۆکایەتی سەرۆکی زانکۆ لە وڵاتی ئیمارات ، سەرۆکی زانکۆی کۆیە (پ.ی.د.محمد حسیب صديق) لەگەڵ (پ.د.شانتانو ڕۆی) سەرۆکی پەیمانگای هندی بۆ تەکنەلۆژیا دەلهی- ئەبوزەبی (Indian Institute of Technology Delhi (IITD) - Abu Dhabi)بە ئامادەبوونی پ.د.جۆبی جۆزێف جێگری سەرۆکی پەیمانگا و  ئەندامانی شاندی زانکۆی کۆیە کۆبوونەوەیەکیان ئەنجامدا.