10 ڕەزبەر, 2023

بەڕێز سەرۆکی زانکۆ بە مەبەستی لە نزیکەوە ئاگاداربوون لە ئامادەکارییەکان بۆ پێشوازی خوێندکاران سەردانی بەڕێوەبەرایەتی بەشەناوخۆییەکانی زانکۆی کرد. ئەمڕۆ سێشەممە ٢١ی ئابت ٢٠٢٣ بەڕێز سەرۆکی زانکۆی کۆیە، پ.ی.د. محمد حسیب صدیق بە مەبەستی لە نزیکەوە ئاگاداربوون لە ئامادەکارییەکان بۆ پێشوازی خوێندکاران سەردانی بەڕێوەبەرایەتی بەشەناوخۆییەکانی زانکۆی کرد.

23 خەرمانان, 2023

بەڕێز سەرۆکی زانکۆی کۆیە، پ.ی.د. محمد حسیب صدیق لە سەرۆکایەتی زانکۆ پێشوازی لە بەڕێز سەرۆکی زانکۆی بەسڕە، پ.د. سعد شاهين حمادي و شاندی یاوەری کرد. نیوەڕۆی ڕۆژی ٢٣ی ئابی ٢٠٢٣ لە باڵەخانەی سەرۆکایەتی زانکۆی کۆیە بەڕێز سەرۆکی زانکۆ، پ.ی.د. محمد حسیب صدیق و ئەندامانی ئەنجوومەنی زانکۆ پێشوازییان لە بەڕێزان سەرۆکی زانکۆی بەسڕە پ.د. سعد شاهين حمادي، ڕاگری فاکەڵتیی پزیشکی پ.د. مرتضى محمد المسافر و بەڕێوەبەری بەدواداچوونی سەرۆکی زانکۆی بەسڕە د. سيف صلاح حسن کرد.

28 خەرمانان, 2023

سەرۆکایەتیی زانکۆی کۆیە ئەو (کەس و کۆمپانیا)یانەی کە لە بواری چێشتخانە شارەزاییان هەیە ( ئەوانەی مۆڵەتی فەرمیان لە ئامادەکردنی خواردن) هەیە، ئاگادار دەکاتەوە کەوا هەڵدەستێت بە ئەنجامدانی کەمگیری نهێنی بۆ بەکرێدانی کافتریای بیناکانی ( ئەندازیاری، پەروەردە، زانستە مرۆڤایەتی و کۆمەڵایەتییەکان، زانست و تەندروستی، وەرزش، پزیشکی، بەشی ناوخۆیی کچان، بەشی ناوخۆیی کوڕان).

13 گەلاوێژ, 2023

ماستەرنامەیەکی بواری زانستی بایۆلۆجی بە ناونیشانی "  Effect of different forms of ketogenic diets in male diabetic rat models  " لە فاکەڵتیی زانست و تەندروستیی زانکۆی کۆیە گفتوگۆ کرا. ڕۆژی پێنج شەممە ١٣ی تەمووزی ٢٠٢٣، گفتوگۆی خوێندکاری ماستەر " سەردار امیر صابر " بە ناونیشانی " Effect of different forms of ketogenic diets in male diabetic rat models " لە بواری زانستی بایۆلۆجی و لە هۆڵی د. اکرم هاشم طە لە سەنتەری توێژینەوەی زانستی و تەندروستیی فاکەڵتیی زانست و تەندروستیی زانکۆی کۆیە بەڕێوەچوو.

09 ڕەزبەر, 2023

زانکۆی کۆیە لە مانگی نیسانی ئەمساڵ داوبەدوای پێشکەشکردنی پڕۆپۆزەڵێک لەلایەن بەڕێوەبەرایەتیی بەکارخستن بە ڕێکخراوی پڕۆگرامی جیهانیی خۆراک "WFP" بۆ ڕەخساندنی هەلی کار لە بواری کارسازیی کشتووکاڵی توانی پاڵپشتێکی دارایی بە بڕی ١١٤ ملیۆن دیناری عێراقی بەدەست بهێنێت.  لە پەراوێزی خولێکی ڕاهێناندا  ٤٠ خوازیاری خاوەنکاربوون لە بواری کارسازیی کشتووکاڵی بەشداریان کرد و لەو ژمارەیە ٢٠ گەنجی شاری کۆیە کە پڕۆژەی کاریان پێشکەش کردبوو توانیان لەم پاڵپشتییە داراییە سوودمەندبن بۆ پەرەپێدانی کاری تایبەتی خۆیان.

09 ڕەزبەر, 2023

خوێندکارانی دەرچووی خوێندنی باڵا (دکتۆرا، ماستەر، دبلۆمی باڵا) دەتوانن لە ڕۆژی یەکشەممە ١٠ی ئەیلوولی ٢٠٢٣وە دەست بە پێشکەشکردنی مامەڵەکانیان بکەن. وەرگیراوانەی خوێندنی باڵا ئاگادار دەکەینەوە کە ناویان لە  فه‌رمانى زانكۆیى ژماره‌ (٧/٢/٤٢٤٣)   له‌  (١٦/٨/٢٠٢٣) هاتووە، لە ڕۆژی یەکشەممە له‌ رێكه‌وتى (١٠/٩/٢٠٢٣)وە تاوه‌كو ڕۆژی یەکشەممە ڕێككەوتی (١٧/٩/٢٠٢٣) سه‌ردانى به‌رێوه‌به‌رایه‌تى كاروبارى یاسایى زانكۆ بكه‌ن به‌ مه‌به‌ستى ئه‌نجامدانى مامه‌له‌کانیان.

07 ڕەزبەر, 2023

ڕێکخراوی  "UNITAD" کە ڕێکخراوێکی سەر بە نەتەوە یەکگرتووەکانە وۆرکشۆپێکی سێ ڕۆژەی لە زانکۆی کۆیە بۆ مامۆستایانی هەردوو بەشی کلینیکاڵ سایکۆلۆژی لە فاکەڵتیی زانست و تەندروستی و پەروەردە و دەروونزانیی فاکەڵتیی پەروەردە بەڕێوەبرد. ڕۆژانی  ٤، ٥ و ٦ی ئەیلوولی ٢٠٢٣، وۆرکشۆپێک بۆ مامۆستایانی هەردوو بەشی کلینیکاڵ سایکۆلۆژی و پەروەردە و دەروونزانیی زانکۆی کۆیە بە ناونیشانی " Training on Psychopathology and Psycho Assessment" لە بینای بەشی کلینیکاڵ سایکۆلۆژی لە فاکەڵتیی زانست و تەندروستیی زانکۆی کۆیە لەلایەن ڕێکخراوی "UNITAD" بەڕێوەچوو.

20 گەلاوێژ, 2023

ماستەرنامەیەک لە بواری زانستی کلینیکاڵ سایکۆلۆژی بە ناونیشانی "The Role of coping strategies on social networking sites addiction as mediated by perceived Social Support among Yazidis in Kurdistan Region-Iraq  " لە فاکەڵتیی زانست و تەندروستیی زانکۆی کۆیە گفتوگۆ کرا.

24 گەلاوێژ, 2023

بەڕێز سەرۆکی زانکۆی کۆیە، پ.ی.د. محمد حسیب صدیق پێشوازی لە بەڕێز بەڕێوەبەری گشتی هاوکاری و هەماهەنگیی پەرەپێدان لە وەزارەتی پلاندانانی حکوومەتی هەرێمی کوردستان، د. کەنار فاضل هیدایەت کرد. ئەمڕۆ دووشەممە ٢٤ی تەمووزی ٢٠٢٣، بەڕێز سەرۆکی زانکۆی کۆیە پێشوازی لە شاندێکی وەزارەتی پلاندانانی حکوومەتی هەرێمی کوردستان بە سەرۆکایەتی بەڕێوەبەری گشتی هاوکاری و هەماهەنگیی پەرەپێدان لە وەزارەتی پلاندانانی هەرێمی کوردستان، د. کەنار فاضل هیدایەت کرد.